السلام عليكم
عزيزي الزائر يرجى ان تشرفنا بالدخول الى المنتدى وان لم تكن عضوماعليك الا التسجيل لتنظم
الى اسرة منتدنا الرائع
منتديات حوريات الجنان
شكرا ادارة المنتدى

الاب الابن الديك

اذهب الى الأسفل

الاب الابن الديك

مُساهمة من طرف عامرعلاف في 2010-08-08, 21:22

السلام عليكم ورحمة الله وبركاتة
في ولد طفران (ما معو ولا ليرة) راح لابو وقلو: بابا اعطيني 50 ليرة بدي اشتري طابة

الاب :روح من وشي ماني فاضيلك يا صبي

الولد :بابا الله يخليك بس 50 ليرة طيب خليون 25

الاب :مامعي مصاري... إذا بدك روح بيع الديك المريض اللي عنا بالجنينة

الولد :بس هاد مريض وما حدا بيشتريه

الاب : تصطفل دبر حالك

الولد استسلم للأمر الواقع واخد الديك وراح يبيعو

أول واحد شافو هو وطالع من البيت أبوه....

قلوالولد: تشتري الديك؟

الاب : بتروح من وشي احسن ما اضربك

الولد :خلص خلص آسف

طلع الولد من البيت ومعو الديك في محاوله يائسه انو الديك ينباع
عرض الديك على أهل الحاره كلهم ولا واحد فيهم قبل إنو يشتري الديك

قال الولد:ممممممممم, والله ماالي غير فلانه,,

عقلها خفيف وأكيد بقدر ألعب عليها بسهوله (فلانه كانت وحده متزوجه ...)

راح لعندا الولد مشان يبيعا الديك


الولد :مرحبا تشتري الديك

فلانة :اهلين يا حباب .. تعا قرب مني مشان بوسك

الولد :ماني فاضي لك .. خذي مني الديك وخليني روح

شوي الا الباب يدق خافت فلانة وقالت للولد تعال فوت اتخبا بالخزانة ليكون زوجي و نروح فيها.

حطت الولد في الخزانة وراحت فتحت الباب طلع صديقها !!!

فلانة :اهلين حياتي اتفضل

الرجال: كيفك يا قلبي

وما كمل كلمتو إلا والباب يدق مرة تانية


فلانة : ياويلي ,,هاد شكلو زوجي,,,تعا وادخول بالخزانة


دخل الرجال بالخزانة وفجاه في عز الظلام سمع صوت يكلمه داخل الخزانة

ويقول له:
.
تشتري الديك؟الرجال: اشششششششش,,,,وطي صوتك لاتفضحنا
الولد :عم قلك تشتري الديك؟
الرجال: يااخي ماشي بشتري الديك بس لا عاد تحكي الولد : حقو 500 ليرة
الرجال: شووو!!!! هالديك المنتوف المريض ب 500 ليرة
الولد : تشتري ولا ارفع صوتي؟

الرجال: لا لا خلص,,بشتري أمري لله

بعد 5 دقايق

الولد :
تبيع الديك؟
الرجال: لسا من شوي بعتني ياه يابن الحلال

الولد :تبيعه ولا ارفع صوتي؟

الرجال: لا لا خلص,,رح بيعه وأمري لله,,بكم بتشتريه؟

الولد :ب 5 ليرات


الرجال: شو!! 5 ليرات!!!! انا مشتريه منك ب 500 وانت تشتريه مني ب 5 ليرات
الولد :تبيعو ولا ارفع صوتي؟
الرجال: لا لا خلاص,,ببيعو وأمري لله



بعد دقيقتين كمان

الولد: تشتري الديك؟
الرجال: يا ولد من شوي اشتريتو منك
الولد : تشتري ولا ارفع صوتي؟
الرجال: لا لا خلاص,,بشتري وأمري لله,,,بكم بدك تبيعو ؟

الولد :ب1000ليرة

الرجال: الله ياخدك انشالله,,,,من شوي اشتريتو منك ب 500ليرة
الولد : تشتري ولا ارفع صوتي؟

الرجال: لا لا خلاص,,بشتري وأمري لله

كمان 5 دقايق

الولد :تبيع الديك؟

الرجال: انا لله وإإنا إليه راجعون ,,,,,بكام تشتريه؟

الولد :بليرة

الرجال: شو بدي قول !! ببكي ولا بشق تيابي ,,,خود الديك ببلاش وحل عني بس

بعد شوي فتحت فلانة باب الخزانة

وقالتلون: يالله بسرعه اطلعو قبل ما يطلع زوجي من الحمام واحد واحد حتى ما يحس

طلع الرجال اول شي وبعدو بشوي طلع الولد

يتمشى في الشارع وهومبسووووط واشترى طابة وبوظة وعزم رفقاتو وبعدين راح الولد عالبيت


لما دخل شاف ابوه قدامو قام قالو
تشتري الديك؟
الأب اتطلع فيه والشرار طالع من عيونو


وقالو : ما كفاك الــ 1500 ليرة اللي لطشتا مني بالخزانة

قلو: بتشتريه ولا بقول لماما ؟؟
والحمدلله



________________________________________________



لا اله الا الله عدد ما كان وعدد ما يكون ،

 وعدد الحركات والسكون


استغفر الله للمؤمنين والمؤمنات
avatar
عامرعلاف
مدير
مدير



الجنس : ذكر
الاسد
نقاط : 628
عدد المساهمات : 231
السٌّمعَة : 15
تاريخ التسجيل : 27/07/2010
العمر : 39
العمل/الترفيه العمل/الترفيه : صيانة كمبيوتر

الرجوع الى أعلى الصفحة اذهب الى الأسفل

رد: الاب الابن الديك

مُساهمة من طرف سلمى في 2010-08-17, 23:06



حلوة

شكرا لك عمار
avatar
سلمى
عضو ذهبي
عضو ذهبي



الجنس : انثى
الثور
نقاط : 222
عدد المساهمات : 191
السٌّمعَة : 11
تاريخ التسجيل : 09/07/2010
العمر : 24
العمل/الترفيه العمل/الترفيه : طالبة

الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى